السعدي: الحركة الشعبية تستعمل نفس أسلوب الجبناء والفاشلين ديال البيجيدي باتهام الناخبين بالرشوة

قال البرلماني ورئيس شبيبة التجمع الوطني للأحرار لحسن السعدي، أن أكبر إهانة للمواطنين هي اتهامهم بتلقي أموال مقابل التصويت،”وهادشي غير مقبول من قبل حزب سياسي مفروض فيه احترام ذكاء وإرادة الناخبين”.

وأضاف السعدي في تدوينة على الفايسبوك ” الإخوة فالحركة الشعبية عوض ما يمشيو يديرو نقد ذاتي وتقييم موضوعي لنتائج الانتخابات الجزئية لبني ملال، صابحين اليوم كيتهموا ساكنة بني ملال بالارتشاء وبيع الضمير ديالهم، هاد الأسلوب اللي كان كيستعملوا البيجيدي لسنوات ، هو أسلوب الجبناء والفشلة”.

وحسب السعدي “فعوض البحث عن تبريرات واهية والإساءة لناس بني ملال الشرفاء ، خاص هاد الحزب اللي باغي يقود المعارضة ياحسرة يعيد النظر فالخطاب ديالو وفأسلوب ممارسة المعارضة، لأن المغاربة قطعوا مع الشعبوية نهار 8 شتنبر 2021، ويجددو النخب شوية راه كل الوجوه اللي دايرينها فالصف الأول هي أوراق جد محروقة”.

 

المصدر: شوف تي في