علمت “شوف تي في” أن محمد الترك، طليق دنيا بطمة، اللي ماخلا ما قال على دنيا وعائلتها بعد تأييد الحكم من قبل محكمة النقض، تيستعد باش يجي المغرب وياخذ بناتو اللي ولدهم مع دنيا خلال فترة الزواج.
وأكدات مصادر موثوقة أن الترك، تيقلب على محامي من الرباط باش يكلفو بهاد المهمة، وأنه أجرى استشارات قانونية في الموضوع أكدات ليه أنه في حال حبس المطلقة الحاضن، تنتاقل الحضانة للأب مباشرة وفق ما ينص عليه القانون خصوصا المادة 171 من مدونة الأسرة. وبأن الترتيب تاع الحاضنين هو الأم ثم الأب، وإلى مكانش الأب ديك الساعة تتمشي إلى أم الأم، أي جدات الوليدات من جيهة الأم.
ولكن الاستشارة اللي تلقاها الترك في هاد الموضوع نصحاتو باش يتسنى حتى يدوز رمضان الجاي، إلى متشداتش المغنية قبل ذلك، حيث أن طلب العفو غادي يوقف تنفيذ العقوبة، وأقرب مناسبة لصدور العفو هي عيد الفطر.
دابا هاد محمد الترك باغي يفقص دنيا حشومة عليه، يخلي غير حتى تبرد شويا ويدوز العفو، عاد يبدا يقلب، وزايدون البنيات ولفو عائلة باطمة، كيفاش غادين ينتاقلو باش يعيشو في البحرين، وكيفاش يولفو الحياة مع واحد مزوج بثلاثة ديال العيالات، واش غيعملو مع المدرسة وزيد وزيد. شوف تي في غاتبع المشكيل حتى الأخير

المصدر: شوف تي في